بەشکردن
دەتوانی لە مێژوودا بمنووسیتەوە
بە درۆ سەیر و قێزەونەکانت
دەتوانی بەنێو قوڕدا بمپلیشێنیتەوە
بەڵام دیسان، وەکوو تۆز، هەڵدەستمەوە.
دڵخۆشییەکانم ئازارت دەدەن؟
بۆچی وەڕزی دایگرتووی؟
چوکە هەنگاو دەنێم وەکوو بیری نەوتم
لە هۆڵی ماڵەکەمدا هەبێت.
هەر وەکوو مانگ، هەر وەکوو خۆر
بە دڵنیایی هەڵکشان و داکشانی دەریا
هەر وەکوو هیوا کە بەرز هەڵبوقڵێت
دیسان هەڵدەستمەوە.
دەتویست ڕووخانم ببینیت؟
چاو خوار و سەر شۆڕ؟
شان داکەوتوو وەکوو فرمێسک،
لاوازبوو بە گریانی بەکوڵ.
شانازییەکانم خەمبارت دەکەن؟
بەلاتەوە ئێجگار قورسە
چوکە پێدەکەنم وەکوو کانزای زێڕم
لە حەوشەی ماڵەکەمدا هەبێت.
دەتوانی هێرش بەریتە سەرم بە وشەکانت
دەتوانی بریندارم بکەیت بە نیگاکانت
دەتوانی بمکوژیت بە دڵڕەقییەکانت
بەڵام دیسان، وەکوو هەوا، هەڵدەستمەوە.
قۆزبوونم وەرزت دەکات؟
پێت سەیرە
کە سەما دەکەم وەکوو ئەڵماسم هەبێت
لە نێو یەکدیتنی ڕانەکانمدا؟
لە کەلاوەی شەرمەزاریی مێژووەوە
هەڵدەستمەوە
لە ڕابردوویەکی بنیاتنراو لەسەر ئازار
هەڵدەستمەوە
ئەقیانووسێکی ڕەشم، بەرین و سەرشێت
بەرز و نزم، بەرگەی هەڵکشان و داکشانەکان دەگرم
بەجێ دێڵم شەوانی ترس و تۆقین
هەڵدەستمەوە
بەرەو بەربەیانێکی سەیر ڕووناک
هەڵدەستمەوە
بە هێنانی ئەو خەڵاتانەی باپیرانم پێیان داوم
من خەون و هیوای کۆیلەکانم.
هەڵدەستمەوە.
هەڵدەستمەوە.
هەڵدەستمەوە.
بابەتی پێشتر
بابەتی دواتر
بۆچوونی تۆ چییە؟
فەرموو تۆش لە کۆمنت بۆچوونی خۆت بنووسە.